Archives

Fjell og vilje | Lydsporet til romanen «Høgfjellsmeldinga»

Gaute og Ragna helsar på kvarandre i ein pause på universitetet. Gaute seier han liker dialekta til Ragna. «Kan du lære meg nokre ord?» spør han. «Du må lære deg å uttala stadnamna riktig», svarar ho, «Hjerkinn, Sjohætta, Doverfjelle». Gaute hermar. Ho må seia orda gong på gong, og han tek opp att. Dei øver. Dei blir forelska i kvarandre.

Fjell og vilje er lydsporet til romanen Høgfjellsmeldinga av Guri Sørumgård Botheim (Forlaget Oktober 2023). Romanen er ein poetisk pageturner om kontorliv, naturrestaurering og sterke meiningar, om forelsking, hemn og usynlege drivkrefter.

Martine Haugen syng stemma til Ragna på lesjadialekt, og Sigurd Brørs syng stemma til Gaute.

Martine Haugen er kjent frå countrybandet Gone North og er rektor i Lesja og Dovre kulturskule. Sigurd Brørs er grafisk designar i Headspin og musikar. Guri Sørumgård Botheim er forfattar og rådgjevar i Norsk Forfattersentrum. Alle tre bur på Dombås.  

Om songen «Fjell og vilje»:
Tekst: Guri Sørumgård Botheim og Sigurd Brørs
Melodi og arrangement: Sigurd Brørs
Vokal: Martine Haugen og Sigurd Brørs
Bakgrunnsvokal: Sigrid Sørumgård Botheim
Mix: Jarl-Ivar Andresen
Mastering: Morten Stendahl
Video: Sigurd Brørs

Les meir om romanen Høgfjellsmeldinga.

Eg byggjer opp eit språk – Ein song om Ivar Aasen

The Systers & The Brørs presenterer:
EG BYGGJER OPP EIT SPRÅK
– featuring Ivar Aasen

Tekst:  Sigrid Sørumgård Botheim og Sigurd Brørs
Melodi, gitar, bass og vokal:  Sigurd Brørs
Trommer:  Rainer A.S. Pedersen
Koring:  Sigrid Sørumgård Botheim

Filma på Jonsrud i Lesja, 30. juli 2013
Kamera (iPad):  Guri Sørumgård Botheim
Video- og lydredigering:  Sigurd Brørs

Les oppslag i Framtida: Aasensk powerpop